ISO 9001 : 2015 Certified

SN24News

सत्य की आवाज

તમારા ગામમાં થયેલા કામોનો ખર્ચ જાણો માત્ર એક જ મિનિટમાં, હવે સરપંચ નહિ કરી શકે કોઈ ગોલમાલ

પહેલાના સમયમાં ટેકનોલોજીના અભાવને કારણે સરકાર દ્વારા આપવામાં આવતા ફંડનું ગોલમાલ થઇ જતું. પણ આજના સમયમાં ટેકનોલોજીના વિકાસના લીધે ઘણો ફાયદો થયો છે. આજે અમે તમને એક એવી સરકારી વેબસાઈટ (gov.in) ની લિન્ક વિષે માહિતી આપવા જઈ રહ્યા છીએ જેનો ઉપયોગથી તમારા ગામમાં થયેલા કામોનો ખર્ચ કેટલો થયો તે એક જ મિનીટમાં જાણી શકાશે. અહિયાં આપ જોઈ શકો છો કે ભારત સરકારે આપણા ગામના નિર્માણ કાર્યો માટે કેટલા પૈસા આપ્યા છે. ( આ ડેટા સંપૂર્ણરીતે પ્રમાણભૂત છે) જો આપને કોઈ અનિયમિતતા લાગે તો આપ તેની ફરિયાદ જનસુવિધા કેન્દ્રમાં સીધી કરી શકો છો.

સર્વપ્રથમ નીચે આપેલી લિન્ક ખોલો.

http://www.planningonline.gov.in/ReportData.do?ReportMethod=getAnnualPlanReport

દા.ત.આપે જાણવું હોય કે 2015-16માં સરકારમાંથી કેટલા રૂપિયા આવ્યાં તો આપ 2015-16 નું ઓપ્શન પસંદ કરો. ત્યારબાદ આપને રાજ્યનું નામ પૂછવામાં આવશે તેના પર ક્લિક કરો.

રાજ્ય પસંદ કર્યા બાદ આપને Plan Unit Type નામનો ઓપ્શન આપવામાં આવશે. જેમાં  GRAM PANCHYAT નું ઓપ્શન પસંદ કરો.

ત્યાર બાદ પૂછવામાં આવશે કે આપ કયા જિલ્લાની પંચાયતમાં રહો છો ત્યારે આપ આપના જિલ્લાનું નામ પસંદ કરો.

જિલ્લાની પંચાયત પસંદ કર્યા બાદ જિલ્લા પંચાયત અથવા બ્લોકનું નામ પસંદ કરો.

જિલ્લા પંચાયત બાદ આપને ગ્રામ પંચાયતનું નામ પૂછવામાં આવશે.

ત્યારબાદ આપ GET REPORT પર ક્લિક કરો.

આપ અહિ REPORT જોઈ શકો છો, તમે ગામ/મહોલ્લો/વોર્ડમાં અત્યાર સુધી સરકાર પાસેથી કેટલા રૂપિયા આવ્યાં છે અને આપના સરપંચ, આપના બોર્ડ મેમ્બરોએ કેટલું કામ કર્યું. અને સરકાર પાસેથી કેટલા રૂપિયા લીધા છે તેની પૂરી જાણકારી લઈ શકો છો.

જો તમને એવું લાગે કે, સરકાર પાસેથી કામ કરવા રૂપિયા આવ્યા હોઈ અને આપના સરપંચ અથવા જે તે અધિકારીએ કામ કર્યું ન હોઈ તો એની ફરિયાદ આપ જનસુવિધા કેન્દ્ર પર કરી શકો છો. જ્યાં કહેવાય છે કે આપની ફરિયાદ પર મુખ્યમંત્રીની સીધી નજર રહેશે.

હવે આપણે દરેક વ્યક્તિને જાગૃત થવાની જરૂર છે અને બીજા ને પણ કરવાની જરૂર છે. હાલ બધી જ માહિતી સરકારે ઓનલાઈન વેબસાઇટ પર ઉપલબ્ધ કરાવી છે. બસ આપણે તેને વાંચવાની અને જાણવાની જરૂર છે. જો દરેક ગામમાં ફક્ત 5-6 વ્યક્તિ આ માહિતી તેમના ગામના લોકોને જણાવે તો સમજો 70% ભ્રષ્ટાચાર તો એમજ ઓછો થઈ જશે.

એટલે આપને વિનંતી છે કે આપ આપના ગામમાં વર્ષ 2015-16 થી 2019-20 સુધીમાં થયેલાં કાર્યોને જરૂર જુઓ તથા આ લિંકને દેશના દરેક ગામડા સુધી મોકલવાનો પ્રયત્ન કરો જેથી ગામના લોકો તેમના અધિકાર મેળવી શકે.

Leave a Reply

Your email address will not be published. Required fields are marked *